Олон улсын жүдо бөхийн холбооноос (IJF) зохион байгуулдаг гран при тэмцээнүүдийн нэг болох Загребийн гран при тэмцээн Хорват улсын Загреб хотноо хоёр дахь өдрөө үргэлжлэн явагдаж байна.
Өнөөдөр эмэгтэйчүүдийн -63, -70, эрэгтэйчүүдийн -73, -81кг жингүүдийн барилдаан явагдаж манай улсаас гурван жүдоч дараах барилдаануудыг үзүүллээ.
- Эрэгтэйчүүдийн -73кг жинд Б.Эрхэмбаяр эхний тойрогт Рахул Висалтай барилдан ваза-ари үнэлгээгээр ялсан ч Английн Д.Вилиамст ялагдан тэмцэнэээ дуусгалаа.
- Эмэгтэйчүүдийн -63кг жинд Б.Баасанжаргал эхний тойрогт Д.Аделинатай барилдан цэвэр ялж улмаар Нидерландын Ж.Франссенд ялагдан тэмцээнээ дуусгалаа.
- Эмэгтэйчүүдийн -70кг жинд М.Даваасүрэн эхний тойрогт БНХАУ-ын Зу Яад ялагдан тэмцээнээ дуусгалаа.
Өнөөдрийн медалийн төлөөх барилдааны оргил барилдаанаар эрэгтэйчүүдийн -81кг жингийн алтан медалийн төлөө Олимпын медальтнуудын өрсөлдөөн байх нь дамжиггүй. Тэр бол Олимпын хүрэл, дэлхийн аварга Японы Нагасе Таканори болон олимпын хүрэл, дэлхийн аваргын мөнгөн медальт Канадын В.Антоине нарын барилдаан юм. Хоёр бөхийн хувьд урьд өмнө нь дөрвөн удаа учраа тааран барилдсан байдаг ба бүгдэд нь Нагасе Таканори аварга ялж байсан түүхтэй.
