БНХАУ-ын зургаан их сургууль Их Британийн “Times Higher Education” (THE) компаниас гаргадаг дэлхийн шилдэг 100 их сургуулийн жагсаалтад багтсан тухай “CCTV” мэдээлжээ. “Times Higher Education” сэтгүүлийн “World Reputation Rankings – 2019” буюу дэлхийн шилдэг 100 их сургуулийн жагсаалтад Хятадын Чинхуа, Бээжин, Фүдань, Шинжлэх ухаан, техникийн их сургууль болон Шанхай, Жэжяний зургаан их сургууль багтсан байна. Тэр дундаа Чинхуа их сургууль бусад таван их сургуулийнхаа өмнө буюу 14 дүгээрт жагсчээ. “Times Higher Education” сэтгүүл жил бүр олон улсад нэр хүндтэй 10 мянга гаруй эрдэмтний дунд нууц байдлаар санал хураалт явуулж, дэлхийн шилдэг 100 их сургуулийг эрэмбэлж, “The World Reputation Rankings” хэмээх жагсаалт гаргадаг.

---