Нийгмийн стресс бухимдлаас болж орчин цагт бүрэн бүтэн нойртой хононо гэдэг амаргүй болов. Бөх нойрсож чадвал өглөөг эрч хүчээр дүүрэн эхлүүлж, ажлын бүтээмж ч өндөр байдагтай санал нийлэх буй за. Ингэхэд эртний хүмүүс хэрхэн бөх нойрсож, хүнд хүчир хөдөлмөр эрхэлж, дайн тулаанд оролцож, оюун тархиа удирддаг байсан юм бол? Энэ талаар багахан судалгаа хийсэн Саша Хандлигийн зөвлөгөөг хүргэе. 16-17 дугаар зуунд хүмүүс бөх нойрсож, бие тархиа амраахын тулд дараах таван дэглэмийг мөрддөг байсан гэнэ.

1.   Тогтмол цагт унтах–Эрт үед унтах, сэрэх гэдэг бие махбодоос гадна сэтгэлзүй, оюуны алжаал тайлах чухал арга байжээ. Тиймээс тогтсон цагт орондоо орж, аль болох бөх унтахыг хичээдэг байж.

2.    Шөнө дундад найрлахгүй байх–Унтахын өмнө аль болох хүнд хоол хүнс хэрэглэхгүй байх нь маш чухал. Нэн ялангуяа гэдэс дотрыг чинь өвтгөх өөх тос ихтэй мах, согтууруулах ундаа хэрэглэхээс татгалзаарай. Оронд нь хөөрүүлсэн халуун бүлээн сүү бөх нойрсоход тань тусална.

3.    Унтах байрлалаа зөв сонгох–16-17 дугаар зууны үед сайн амрахын тулд зөв байрлалаа олох хэрэгтэй гэж үздэг байв. Шөнийн эхний хагаст баруун гар талаараа хэвтэхэд тохиромжтой. Учир нь энэ талаараа хэвтвэл хоол хүнс түргэн шингэдэг төдийгүй маш дулаахан байдаг гэнэ. Харин шөнийн үлдсэн хагаст зүүн гар талаараа хэвтвэл биенд хуримтлагдсан дулааныг задална. Ингэснээр өглөөд сэргэг, эрч хүчтэй байж чадна.

4.    Нойроо хоёр хэсэгт хуваарилах–Ихэнхдээ хүмүүс шөнийн нойроо хоёр хуваадаг байжээ. Эхлээд 3-4 цаг унтсаныхаа дараа шөнө дундад сэрж, ном унших, халуун сүү уух зэрэгт анхаарлаа хандуулсны дараа дахин 3-4 цаг нойрсдог байсан гэнэ.

5.    Орондоо орохоосоо өмнө анхаарлаа төвлөрүүлэх–16-17 дугаар зуунд дайн их гардаг байсан учраас бөх нойрсох амаргүй байсан нь лавтай. Гаднаас ирж болохуйц аюулаас сэрэмжилж хамгаалахын тулд шөнө бүр залбирал уншдаг байв. Энэ нь бурханд залбирахаас гадна бодлоо төвлөрүүлэх, сэтгэл санаагаа тайвршуулж бясалгах ид шидтэй байсан учир бөх нойрсоход тусалдаг байсан гэнэ.

Эх сурвалж: www.bbc.com   

 

---