Эмэгтэйчүүдийн волейболын 20 хүртэлх насны дэлхийн аварга шалгаруулах тэмцээн Мексик улсад зохион байгуулагдаж дууслаа.
Ес хоногийн турш үргэлжлэн явагдсан энэ удаагийн ДАШТ-д уламжлал ёсоор дэлхийн шилдэг 16 улсын баг дөрвөн хэсэгт хуваагдан өрсөлдсөн юм.
Эмэгтэйчүүдийн 20 хүртэлх насны ДАШТ анх 1977 онд Бразил улсад зохион байгуулагдаж эхэлснээс хойш 20 дахь удаагаа зохион байгуулагдаж буй нь энэ бөгөөд өнгөрсөн хугацаанд Бразил улс зургаан удаа түрүүлж, таван удаа мөнгө, хоёр удаа хүрэл медаль хүртсэн амжилтаар дэлхийд тэргүүлж буй бол Мексик улс нутаг дээрээ дөрөв дэх удаагаа ийнхүү ДАШТ-ийг зохион байгууллаа.
Энэ жилийн дэлхийн аварга багаар Япон улсын баг анх удаа шалгарлаа. Харин 2011 оны дэлхийн аварга Итали улсын шигшээ баг хоёр дахь удаагаа мөнгөн медаль хүртсэн байна. Хүрэл медалийг дэлхийн гурван удаагийн аварга баг болох ОХУ-ын баг хүртлээ.
Өнөөдөр та бүхэндээ эмэгтэйчүүдийн волейболын 20 хүртэлх насны дэлхийн аварга шалгаруулах тэмцээний хагас шигшээ тоглолт болох Япон болон ОХУ-ын багуудын тоглолтыг бүрэн эхээр нь толилуулж байна. Уг тоглолт тун ширүүн өрнөсөн бөгөөд хоёр баг эн тэнцүүхэн өрнөлөө.
