Эрчим хүчний зохицуулах хорооноос айл өрхийн цахилгааны тарифыг иргэд хэрэглэгчдэд урьдчилан мэдэгдэхгүйгээр 10 хувиар нэмжээ.

Ингэснээр айл өрхийн нэг сарын хэрэглээний эхний 150 кВт хүртэлх тариф 1 кВт тутам нь 110.49 төгрөг, 150 кВт-аас дээших хэрэглээ 1 кВт тутам 130.20 төгрөг болж өсөөд байна.

Иргэд цалин орлого нэмэгдээгүй, амжиргааны төвшин өдрөөс өдөрт доройтож байгаа энэ цаг үед Эрчим хүчний зохицуулах хороо гэх том толгойтой байгууллага Үндэсний баяр наадмыг тохиолдуулан цахилгааны тарифыг хулгайгаар нэмсэн үйлдэл нь олон нийтийн жигшил дургүйцлийг төрүүлж байна.

Эрчим хүчний зохицуулах хорооны дарга А.Тлейхан “Эрчим хүчний салбар 2019 онд 19 тэрбумын алдагдалтай ажилласан. Иргэд цахилгааныг бодит өртгөөс нь 25 хувиар хямд авч байгаа учраас үнийг үе шаттайгаар нэмнэ” хэмээн өмнө нь мэдэгдэж байсан нь ийнхүү биелэлээ олж байна.

Айл өрхөд борлуулах цахилгааны шинэчилсэн тариф

Айл өрхөд борлуулж байсан цахилгааны тариф /2019 оны 5 дугаар сарын байдлаар/

Эх сурвалж: Эрчим хүчний зохицуулах хорооны албан ёсны сайт

 

---