Капитал банкийг өнгөрсөн дөрөвдүгээр сард Монголбанкны шийдвэрээр татан буулгасан. Төв банкнаас эрх хүлээн авагчаар М.Адилбишийг томилсон юм.

Тэгвэл Капитал банкны төв болон орон нутгийн салбаруудын эд хогшлыг худалдаалж эхэлсэн байна. Үүнд компьютер, нөүтбүүк, принтер, оффисийн сандал, ширээ, шүүгээ, хяналтын камер, дүрс бичигч, бичиг хэргийн шүүгээ, архивын төмөр шүүгээ, сейф зэргийг худалдан борлуулж байгаа юм.

Холбогдох албаны хүнээс тодруулахад “Тэнгис кино театрын өмнөх Капитал банкны төв салбарт дэлгүүр нээн ажиллуулж байгаа бөгөөд өнөөдрийн байдлаар нөүтбүүк дууссан. Банкны бүх хөрөнгийг зарах хүртэл ажиллана. Ер нь бол зах зээлийн үнэ ханшнаас хэд дахин хямд үнээр борлуулж байгаа. Капитал банкны хөдөө орон нутгийн салбарын эд хөрөнгийг тухайн салбарт нь худалдан борлуулж байгаа” гэдгийг онцлон хэлэв.

---