Их Британийн алдарт Биг Бен цамхаг 1859 оны долдугаар сарын 11-ний өдөр баригдаж дуусан ашиглалтад орж байжээ. Дэлхийн өв соёлын санд багтсан түүхэн аварга том цаг энэ жил 160 насны ойгоо тэмдэглэж байна. Элизабет цамхагт байрлах аварга цагийг засварлаж байгаа бөгөөд 2017 онд эхэлсэн засварын ажил 2021 онд дуусна. 

 

 

1846 онд Лондоны эрх баригчид цагийн дизайныг гаргах уралдаан зарлаж өмгөөлөгч Эдмунд Бекет Денисоны гаргасан загвар түрүүлжээ. Түүний гаргасан загвараар цагчин Эдвард Жон Дент Биг Бенийг урлаж дуусгаж амжилгүй таалал төгссөн юм. Цагчны дагавар хүү хойд эцгийнхээ ажлыг үргэлжлүүлж 1854 онд цагийг цамхагт байрлуулснаас хойш таван жилийн дараа албан ёсоор ашиглалтад орсон түүхтэй. 

 

 

 Эх сурвалж: www.bbc.com 

---