Монголчууд бид эртнээс ямааг цамаан, хөнгөн хийсвэр зантай адилтган зүйрлэж ирсэн. Зарим настнууд ямаа ухаантай амьтан гэж ярих нь ч бий. Их Британийн эрдэмтэд ямааг судалж дуу хоолойгоороо сэтгэл хөдлөлөө илэрхийлж түүнд тохирсон хариу үйлдэл үзүүлэх чадвартай амьтад болохыг нээн илрүүлжээ.

Ямааг оймс идэж, эврээрээ мөргөж тоглохоос илүү чадвартай, сэтгэл хөдлөл ихтэй амьтан гэж ихэнх хүмүүс мэддэггүй. Эрдэмтдийн судалснаар тэд нэгийнхээ майлах дууны өнгөнөөс сэтгэл хөдлөлийг мэдэрдэг ба ижил байдлаар хариу үйлдэл үзүүлдэг сэтгэл хөдлөлийг танин мэдэх гоц чадвартай амьтан ажээ.

Нийгмийн хандлага, сэтгэл хөдлөлийнн харилцаа холбоог хүнээс бусад амьтад төдийлөн ойлгож чаддаггүй гэж судалгааг удирдсан Лондон дахь Мэри хатны их сургуулийн эрдэмтэн Луйги Басиадонна ярьсан байна. Харин ямаа бидний таамаглаж байснаас илүү ухаантай  төдийгүй нийгэмшсэн амьтан гэж тэд үзжээ.

 

 

Туршилтын явцад судлаачид ямаанд хоол өгөх, бэлчээрээс бусад нь ирэх үед гаргаж буй дуу авиаг бичиж авсан байна.  Энэ үед тэд баяртайгаар майлах дуу авиа гаргаж байсан бол хоол өгөөгүй ямаануудаас уйтгартай байгааг илэрхийлсэн авиа гарчээ. Тэд ямар сэтгэл хөдлөл илэрхийлэн дуу авиа гаргаж байгаагаас шалтгаалан биеэрээ хариу үйлдэл үзүүлсэн байна.

 

 

Бусад найзуудтайгаа уулзах, хоол идэж байх үеийн баяр хөөртэй майлах чимээг бичиж аван бусад ямаанд сонсгоход тэдний зүрхний цохилт хурдасчээ. Амьтны танин мэдэхүй, сэтгэл хөдлөл судлаачид ямаанд бусдын сэтгэлийг ойлгох мэдрэмтгий шинж байдаг, энэ чанар нь сүүн тэжээлтэнд байдаг төрлийн араншин учраас мэдрэмж төрүүлдэг гэж хэлсэн байна.

Олон жил ямаа тэжээж байгаа хүмүүс түүнийг бусдаас илүү мэдрэмжтэй ба зөвхөн өөр хоорондоо бус хүний зан төлвийг ойлгож, сайн сонсогч байгаад зогсохгүй тусалж чаддаг гэж ярьжээ. Тэд эзнийхээ сэтгэлийг засахын тулд хөгжилтэй байдал гаргаж хариу үйлдэл үзүүлдэг байна.

 

Эх сурвалж: www.theguardian.com

---