АНУ-ын Төрийн департаментад 1999 оноос хойш олон улсын харилцаа хариуцан ажиллаж байсан хатагтай Кэндэс Клайбөрнд 40 сар буюу гурван жил дөрвөн сарын хорих ял, 40,000 ам.долларын торгууль оноох шийдвэрийг шүүхээс гаргажээ. Түүнийг Хятадын тагнуулын албаны офицеруудад мэдээлэл худалдаж хариуд нь үнэтэй тансаг бэлэг авсан гэж буруутгасан байна.

Хатагтай Клайборн Хятадын тагнуулын хоёр ажилтнаас цахилгаан бараа, амралтын эрх, бүрэн тавилгатай орон сууц, гэр бүлийн гишүүнээ Хятадын загварын сургуульд үнэ төлбөргүй сургах эрхийг бэлгэнд авсан хэргээр 2017 онд шалгагдаж эхэлжээ.

 

 

Төрийн албан тушаалтан байсан эмэгтэйд оноосон ял нь АНУ-ын үндэсний аюулгүй байдлыг хамгаалах үүрэг хариуцлагаа умартсан бөгөөд Хятадын тагнуулын үйл ажиллагаа үргэлжид заналхийлсээр байгаа цаг үед Америкийн иргэд үйл хөдлөлөө хянах хэрэгтэй гэдгийг харуулж буй үйлдэл гэж Холбооны мөрдөх товчооны Вашингтон дахь салбарын дэд захирал Жон Селлек мэдэгджээ.

Клайбөрн Хятадын тагнуулын ажилтнуудтай сар бүр уулзаж Америкийн дипломатуудын хэлэлцсэн асуудал, үйл хөдлөл зэрэг олон нийтэд дэлгэх хориотой мэдээллүүдийг дамжуулсан гэж Колумбын шүүхээс үзжээ.

 

Эх сурвалж: www.cnn.com

---