Хэрэв та санаж байгаа бол 10 гаруй жилийн өмнө 2007 онд Snowball нэртэй австрали тотины бүжиглэж буй бичлэг цахим ертөнцөд тархаж олон хүний хайр эгдүүг төрүүлж байсан юм. Хөлөө дэвсэлж, толгойгоо сурамгай гэгч нь хөдөлгөж буй шар ногоон залаатай тоть тухайн үедээ телевизийн шоу хөтөлбөрүүдэд уригдаж, олны танил болсон билээ.

Ан амьтан судлаачид Snowball тотины хөдлөгөөн бүрийг дахин судалж түүний бүтээлч ур чадварыг дэлгэрэнгүй танилцуулжээ. Ухаалаг авьяаслаг тоть өөрт тохирсон бүжгийн 14 төрлийн хөдлөгөөн дэглэсэн гэж үзсэн байна. Авьяаслаг бяцхан шувуу хөл толгойгоо өөрийн гэсэн хэв маягтайгаар хөдөлгөж зарим дуучид бүжигчдийн хийдэг алдартай хөдлөгөөнүүдийг сурсан байжээ.

Судалгаа хийсэн мэргэжилтнүүд дуу хөгжим сонсож түүндээ тохирсон хөдлөгөөн хийж бүжиглэх нь зөвхөн хүн төрөлхтний чаддаг зүйл биш гэдгийг харуулж байна гэжээ. Бид бусад амьтад ч мөн танин мэдэх, аливааг мэдрэх чадвартай гэдгийг үүнээс харж болно хэмээн судлаачид ярьсан байна.

 

 

Мөн зарим амьтад ч сургуулилалт хийвэл хөгжмийн аянд тохируулан бүжих чадвартай байдаг. Муур, нохой, сармагчин зэрэг нийтлэг тэжээвэр амьтдаас гадна дуу чимээ сонсох онцгой чадвартай тоть, далайн гахай, зааныг нэрлэж болох юм. Snowball эхэндээ дууны аянд тааруулж хэмнэлтэйгээр хөлөө товшилж байгаад аажмаар бүжгийн хөдлөгөөн хийж сурсныг судлаачид тогтоожээ.

 

 

Эх сурвалж: www.thaguardian.com

---