Зөвхөн Монголд ч гэлтгүй дэлхийн хаа ч багш нарын цалин тэтгэмж хангалтгүй байдаг бололтой. АНУ-д багш нар долоо хоногт 40-60 цагийг сурагчдад хичээл заахад зориулдаг. Оюуны ба биеийн хөдөлмөр эрхлэхэд хэт урт цаг боловч үүндээ тохирсон цалин хөлс авч чаддаггүй гэжээ. Багш нар хичээлээ зааж дуусчихаад бариста, агуулахын ажилчин, кино театрын менежер, түргэн хоолны газарт тогооч хийх нь элбэг үзэгдэл. АНУ-ын багш нарын 16 хувь нь давхар ажил хийж амь зуудаг гэжээ.

Шаунтел Хайли 44 настай, гэрлэсэн, нэг хүүхэдтэй. Оклагийн Эвинг Халселлийн дунд сургуульд Англи хэлний багш.  21 жил багшилсан, сарын цалин нь 400 доллар. Н3 цонх угаадаг компанид угаагчаар ажилладаг. Зуны цагт сарын орлого нь 2,000 доллар болж нэмэгддэг. “Би маш олон удаа нуруу, хөл, гараа гэмтээж байсан. Хуруу гар минь эвэршчихсэн. Чөлөөт цаг бараг гардаггүй, гэрийн ажилдаа зарцуулах зав бараг байдаггүй” хэмээн ярьжээ.

Брайнт Эндрюс 32 настай, гэрлэсэн, хоёр хүүхдийн эцэг. Оклахома хотын Крүкед Оак дунд сургуульд уншилгын багш. Зургаан жил багшилсан, хоёр ажил эрхэлсний дүнд сарын дундаж орлого нь 2,500 доллар, зарлага нь мөн ижил. Багшлахын хажуугаар гадна талбай тохижуулдаг. “Би үргэлж өөрөөсөө яагаад Оклахомад байгаагаа асуудаг. Хэрэв би явчихвал хэн миний оронд хүүхдүүдэд багшлах билээ” гэж тэрээр өгүүлжээ.

Эх сурвалж: www.nytimes.com

---