Японы мэргэжлийн сумо бөхийн Нагоя башё энэ сарын 7-ны өдөр эхэлнэ. 

Нагоя башёгийн банцүкэ зарлагдсан ба Монгол аваргууд зүүн, баруун жигүүрийг манлайлан барилдахаас гадна дөрвөн зиндаанд нийт 22 монгол хүчтэн барилдана. Өндөр цолтой бөхчүүдээс дурдвал Тамаваши Б.Мөнх-Оргил найм дахь удаагаа секиваке цолтойгоор барилдах бол Ичиножо А.Ичинноров Маэгаширагийн 4-өөс барилдах юм. 

Энэ башёгийн гол шуугианаар Монгол улсын иргэншлээс татгалзаад байгаа их аварга Хакухо М.Даваажаргал аварга Рейва тооллын анхны Нагоя башёд Япон улсын нэрийн өмнөөс барилдах магадлалтай юм. Нагоя башёгийн банцүке дээр Монгол хэмээн овоглогдсон байна. 

Нагоя башёд барилдах Монгол бөхчүүд:

Макүүчи зиндаа:

• Их аварга Хакүхо М.Даваажаргал
• Аварга Какүрюү М.Ананд
• Секиваке Тамаваши Б.Мөнх-Оргил
• Маэгашира 4 Ичиножо А.Ичинноров
• Магашира 9 Дайшохо Ч.Шижирбаяр

Жүрёо зиндаа:

• Азүмарү С.Тодбилэг
• Чиёошима Г.Мөнхсайхан
• Кёкүшүхо Т.Эрдэнэбаатар
• Миторюү Б.Төрболд 
• Кирибаяма Б.Лхагвасүрэн
• Араваши Э.Дөлгөөн

Макүшита зиндаа:

• Сэйро А.Өнөболд
• Хошорюү С.Бямбасүрэн
• Сакигакэ Я.Баттүшиг
• Кёкүсотэн Э.Энхманлай
• Гочозан Д.Ууганбаатар
• Кагамио Б.Нанжид
• Рога А.Амарсанаа
• Ёшояма Б.Анхбаяр
• Тэрүнофүжи Г.Ган-Эрдэнэ

Сандаме зиндаа:

• Саданохикари Д.Наранцогт
• Дайтэнма Н.Чинзориг