Тамхи таны биед олон талын хор хөнөөлтэй гэдгийг эмч мэргэжилтнүүд үргэлж сануулдаг. Сүүлийн үеийн судалгаагаар тамхи уушги дотор эрхтнийг хорлож олон төрлийн хорт хавдар үүсгээд зогсохгүй нүдний харааг муутгадаг байна.

Их Британийн хараазүйн холбооны хийсэн судалгаагаар тамхи татдаг таван хүн тутмын нэг нь сохрох аюултай гэжээ. Тодруулбал тэд тамхи огт татдаггүй хүмүүсээс хоёр дахин хурдан харах чадвараа алддаг байна.

Тамхины утаанд нүдийг гэмтээдэг маш олон төрлийн химийн хорт бодис агуулагддаг. Зэс, хар тугалга зэрэг тамхины утаанд агуулагддаг хүнд металууд нүдний болорт хураагдаж болор цайлгах гол хүчин зүйл болдог. Нөгөө талаар тамхи их татдаг хүмүүс чихрийн шижин тусах өндөр магадлалтай ба чихрийн шижингээр дамжиж цусны даралт тогтворгүйтэж улмаар хараанд нөлөөлдөг.

 

 

Түүнчлэн нүдний эвэрлэг бүрхэвчид толбо тогтож гэмтэх өвчинд өртөх тохиолдол жирийн хүмүүсээс гурав дахин илүү байдаг ажээ. 2,000 гаруй нусанд хүрэгчдийн дунд хийсэн судалгаагаар тэдний 18 хувь нь тамхины утаа хараагүй болох эрсдлийг нэмдэг гэдгийг мэдэж байсан ба 3/4 нь хорт хавдар үүсгэдэг гэдгийг мэдсээр байж тамхи татдаг хэмээн хариулсан байна.

 

Эх сурвалж: www.bbc.com

---