Мексик улсын Гуадалахара хотын зургаан дүүрэгт цас мөсөн ширдэг дэвссэн мэт болжээ. Өдөртөө цельсийн +30 хэмээс буурдаггүй температуртай халуун бүсэд цаг агаарын онц үзэгдэл тохиосон байна.

Таван сая оршин суугчтай хотод үер болж олон зуун модод үндсээрээ сугарч унан, аажимдаа ширүүн мөндөр орсноос 1,5 метр зузаан мөсөн давхарга тогтжээ. Азаар оршин суугчид гэмтэж бэртээгүй ба хотын иргэнийг хамгаалах газраас гудамж талбайг цэвэрлэх том машин техникийг ажиллуулж байна.

 

 

Цаг агаарын онц содон үзэгдлийн улмаас Гуадалахара хотын 200 айлын байшин, олон арван тээврийн хэрэгсэл эвдэрч нуржээ. Хотын захирагч Энрике Альфаро “энэ бол цаг уурын өөрчлөлт бодитоор илэрч буй хэрэг. Урьд өмнө байгалийн ийм үзэгдэл огт тохиож байгаагүй” гэжээ.

 

 

Эх сурвалж: www.bbc.com

---