Манай сайт эрхэм таны сонорыг мялаах дэлхийн шилдэг дуунуудыг цуврал хэлбэрээр оруулж байгаа билээ.
"Rolling Stone" сэтгүүл бүх цаг үеийн шилдэг 500 дууг нэрлэж байна.
"Rolling Stone" сэтгүүлийн хувьд дэлхийн хөгжмийн зах зээлд хүлээн зөвшөөрөгдсөн "шилдгийн шилдэг" жагсаалтыг төрөл бүрээр гаргаад удаж байна. Эндээс бид "Бүх цаг үеийн шилдэг 500 дуу" жагсаалтыг онцлон уншигч, үзэгч та бүхэндээ цувралаар танилцуулж байгаа юм.
R.E.M., ‘Losing My Religion’
Америкийн альтернатив рок урсгалын анхдагч R.E.M. хамтлаг нь 19890 онд байгуулагдаж байжээ. Тэдний хөгжмийн дуугаралт, гитарын хэмнэл нь тухайн үедээ маш өвөрмөц бөгөөд шинэлэг байлаа. R.E.M. хамтлаг карерийнхээ түүхэнд 15 студийн цомог гаргаснаас 1991 онд гаргасан "Out of Time" болон 1992 онд гаргасан "Automatic for the People" цомгууд нь тэднийг дэлхийд таниулсан гэхэд болно. 1996 онд Warner Bros студитэй 80 сая долларын бичлэгийн гэрээ хийсэн нь түүхэн дэх хамгийн өндөр үнэ бүхий дуу бичлэгийг гэрээ болсон байдаг. Гэвч тэдний 1996 онд гаргасан "New Adventures in Hi-Fi" цомог нь тийм ч амжилттай байж чадаагүй юм. 2007 онд R.E.M. хамтлаг Рок Н Роллын хүндэтгэлийн танхимд заларч түүхэндээ 85 сая хувь цомог борлуулж чадсан нь бүх цаг үеийн хамгийн олон хувь цомог борлуулсан уран бүтээлчдийн эгнээнд багтдаг байна.
‘Losing My Religion’ дуу нь 1991 онд тэдний гаргасан "Out of Time" цомгийн хамгийн анхны сингл байсан ба 1992 онд Гремми наадмын долоон төрөлд нэр дэвшиж "Шилдэг Альтернатив цомог", "Шилдэг видео клип", "Шилдэг дуулалт" төрлүүдэд шагнал хүртсэн байдаг.
