Манай сайт эрхэм таны сонорыг мялаах дэлхийн шилдэг дуунуудыг цуврал хэлбэрээр оруулж байгаа билээ. 

"Rolling Stone" сэтгүүл бүх цаг үеийн шилдэг 500 дууг нэрлэж байна. 

"Rolling Stone" сэтгүүлийн хувьд дэлхийн хөгжмийн зах зээлд хүлээн зөвшөөрөгдсөн "шилдгийн шилдэг" жагсаалтыг төрөл бүрээр гаргаад удаж байна. Эндээс бид "Бүх цаг үеийн шилдэг 500 дуу" жагсаалтыг онцлон уншигч, үзэгч та бүхэндээ цувралаар танилцуулж байгаа юм. 

Paul McCartney, ‘Maybe I’m Amazed’

Домогт Пол Маккартни ‘Maybe I’m Amazed’ дууг 1970 онд өөрийн эхнэр Линдад зориулан зохиосон байдаг. Энэхүү дуу нь Битлз хамтлаг тарахаас өмнө зохиогдсон хэдий ч Пол гэртээ дуугаа бичсэн бөгөөд бүх хөгжмүүдээ (гитар, басс гитар, төгөлдөр хуур, бөмбөр зэрэг) өөрөө тоглон бичсэн байна. Пол Маккартни анхны бие даасан McCartney цомогтоо багтаасан байна.