Хөгжим мэдээ, мэдээллийн www.livetv.mn/music сайтын зүгээс хөгжим сонсогчдодоо зориулан энэ үдэш Америкийн алдарт Cigarettes After Sex хамтлагийн 2017 онд Бельгийн Брусел хотноо тоглосон Live at AB тоглолтыг бүрэн эхээр нь толилуулж байна. 

Cigarettes After Sex

Өвөрмөц содон нэртэй Dream Pop төрлөөр уран бүтээлээ туурвидаг тус хамтлаг АНУ-ын Техас мужид 2008 онд байгуулагдаж байжээ. Үдэш орой тархины ядаргаагаа тайлахад тохиромжтой тэдний уран бүтээлүүд маш хурдтайгаар дэлхий нийтээр тарсан ба албан ёсоор сингл хэлбэрээр гаргаагүй ч олон танигдсан хамгийн анхны уран бүтээл нь "Nothing's Gonna Hurt You Baby" юм. 

Хамтлаг байгуулагдсанаас есөн жилийн дараа анхны бие даасан цомгоо хамтлагийнхаа нэрээр гаргасан байдаг. Харин дараа нь өнгөрсөн онд хоёр дахь цомгоо "Cry" нэртэйгээр гаргасан юм. 

Тус хамтлагийн гоцлол дуучин Грег Гонзалесийн уянгалаг, басхүү нууцлаг хоолой, хайрын голцуу дуунуудынх нь үгс танд таалагдана хэмээн найдаж байна.