Хөгжим мэдээ, мэдээллийн www.livetv.mn/music сайт үзэгч, сонсогчдынхоо үдшийн амралтад зориулан "Дэлхийн шилдэг тоглолтууд" цувралын энэ удаагийн дугаараар нэгэн гайхалтай тоглолтыг толилуулахаар бэлтгэлээ. Энэ бол АНУ-ын Калифорни хотоос гаралтай алдарт "Мароон 5" хамтлагийн "ROCK IN RIO" тоглолтыг бүрэн эхээр нь толилуулахаар бэлтгэлээ.
Мароон 5
"Мароон 5" хамтлагийнхан ахлах сургуульд байхдаа анх "Kara's Flowers" нэртэй хамтлагаа байгуулж байсан түүхтэй. Тус нэрээрээ гурван ч цомог гаргасан ба хамтлагийн гишүүд коллежид орох тал дээрээ анхаарал хандуулж уран бүтээлээсээ хөндийрсөн байдаг.
Харин 2001 онд хамтлаг дахин нэгдэхдээ нэрээ өөрчлөн одоогийн бидний мэдэх "Мароон 5" нэрийг авчээ. 2005 онд Грэмми наадмаас "Шилдэг шинэ уран бүтээлч" шагналыг хүртэхийн сацуу 2007 онд гаргасан "It Won't Be Soon Before Long" цомог нь "Билбордын шилдэг 200" жагсаалтыг тэргүүлсэн байна. Одоо дэлхий даяар "Мароон 5" хамтлагийг мэдэхгүй, тэдний дууг аялдаггүй хүн үгүй болсон гэхэд хилсдэхгүй. Тэд дэлхий даяар 120 сая гаруй цомог борлуулж чадсан цөөхөн хамтлагуудын нэг болжээ.
