Монголын үндэсний хэв маягийг орчин үеийн загварын чиг хандлагатай хослуулан урлаж, хүүхдийн биед эвтэйхэн, чанартай, шинэлэг загварлаг бүтээгдэхүүнийг үйлдвэрлэдэг “Монголоо Кидс” брэндийн хамт олон хүүхдийн эрхийг хамгаалах олон улсын өдрийг угтан Монголд анх удаа хүүхдийн хувцасны загварын шоуг зохион байгууллаа.
Монголд анх удаа зохион байгуулагдаж буй хүүхдийн хувцасны загварын шоунд Монголд төдийгүй олон улсын загварын шоунд амжилттай оролцсон 3О хүүхэд оролцжээ.
Орчин үеийн хүүхэд залуучуудад үндэсний өв соёлыг хувцас загвараар дамжуулан нийтэд сурталчлан таниулах зорилготой “Монголоо Кидс” брэнд 2016 онд үүсгэн байгуулагдаж байжээ. “Монголоо Кидс” брэндийн хамт олон дахин давтагдашгүй, цор ганц бүтээгдэхүүнийг захиалгын дагуу чанарын өндөр төвшинд урлахаас гадна хүүхдийн амьдралын хэв маягт тохируулан бүтээгдэхүүнээ загвар болон материалын өвөрмөц шийдлээр урлаж, зах зээлд бэлэн борлуулдаг байна.
