Баянгол дүүрэг нь 80 мянган орчим хүүхэдтэй жилдээ 0-1 насны 5 мянган хүүхдэд тусламж үйлчилгээ үзүүлдэг. Төрсний дараа бага насны хүүхдүүд ихэвчлэн шар өвчин тусдаг тул эмнэлэгт хэвтэн эмчлүүлэх нэн шаардлагатай болдог. Иймээс нийслэлийн дүүргийн хүүхдийн эмнэлгүүдэд нярайн тасгийг нээж байгаа. Энэ үүднээс өнөөдөр Баянгол дүүргийн хүүхдийн эмнэлэг таван ортой нярайн тасагтай боллоо.
Уг тасагт эхчүүд хүүхэд тусдаа оронд хэвтэн эмчлүүлэхээс гадна хүүхэд дулаацуулагч аппарат, нярайн хөнжил, даавуу халаагч, жин хэмжигч, шарлагын аппарат гээд хэрэгтэй тоног төхөөрөмжөөр тоноглогдсон ажээ.
Баянгол дүүргийн хүүхдийн тасаг шинэ нярайн төвтэй болно гэдгийг мэдэн “Есөн-Од” компани нийгмийн хариуцлагын хүрээнд гуравдугаар сарын 1-нээс гурван сарын хугацаанд “Бяцхан зүрх” аяныг зохион байгуулжээ. Уг аяны хүрээнд Goldengobi шоколадны худалдан авалтаас тодорхой хэмжээний мөнгийг уг тасгийг тохижуулахад нэмэрлэсэн байна. Иймээс Goldengobi шоколад худалдан авсан хэрэглэгчдэдээ баярлалаа гэдгийг “Есөн-Од” компанийнхан хэлж байлаа.
Цаашид гуравдугаар шатлалын эмнэлгийн тусламж үйлчилгээний ачааллыг бууруулахын тулд дүүрэг бүрд нярайн тасгийн нийслэлийн зүгээс бий болгохоос гадна Goldengobi шоколадны худалдан авалт бүрийн 10 төгрөгийг сайн үйлсийн аянд зарцуулах болно гэдгийг “Есөн-Од” компанийн зүгээс дурдаж байлаа.
