Цагдаагийн ажилтан Дерек Човин өнгөт арьстан Жорж Флойдын аминд хүрсэн хэрэг явдлын улмаас АНУ-д олон нийтийг хамарсан үймээн үргэлжилсээр байна.
Өнөөдрийн байдлаар АНУ-ын 16 мужийн 25 хотын засаг захиргаа үймээн самууныг газар авахуулахгүй байхад анхаарч буйгаа мэдэгдээд байна.
Үймээнийг дарахаар 9 мужийн Үндэсний гвардын цэрэг бэлэн байдалд шилжсэн бөгөөд Ерөнхийлөгч Трамп "Дээрэм тонуул эхэлбэл буудаж эхэлнэ" хэмээсэн юм.
АНУ-ын хот мужуудын удирдагчид иргэдээс тайван замаар тэмцэхийг уриалж буй ч нөхцөл байдал намжихгүй байгаа аж. Тус улсын Хууль зүйн яам Жорж Флойдын амиа алдсан хэрэг явдлыг хуулийн хүрээнд мөрдөн шалгах ёстой гэдгээ мэдэгджээ.
