ЭМЯ-ны газрын дарга Д.Нарангэрэл: Манай хөрш ОХУ-д өвчлөл нэмэгдсэн байна. Манай олон аймагтай хил залгаа бүсүүдэд өвчлөл нэмэгдэж байна. Монгол Улсад одоогоор 1394 хүн ажиглах байранд байна.
Өнөөдрийн байдлаар манай улсын халдвар авсан 30 хүн эдгэрч эмнэлгээс гарсан бол 111 хүн ХӨСҮТ-д хэвтэн эмчлүүлж байгаа юм. Ажиглалтын байрнаас 236 хүн гарч гэрийн хяналт руу шилжиж, 1394 хүн ажиглалтад байна. Ажиглалтын байранд архаг хууч өвчтэй 182 иргэн байгаа юм.
ХӨСҮТ-ийн захирал Д.Нямхүү: Тавдугаар сарын 22-ны байдлаар ХӨСҮТ-ийн 2 лаборатори, Дархан-Уул аймгийн вируслогийн лабораторид 188 хүн шинжилгээ хийснээс коронавирус илрээгүй. 113 энхийг сахиулагчид шинжилгээ хийхэд коронавирус илрээгүй. Өнөөдөр хоёр оюутан эдгэрч гарч, дараагийн хяналтын шатад шилжлээ. ХӨСҮТ -д одоогоор 111 хүн эмчлүүлж байгаагаас биеийн байдал нь хүнд 25 хүн байна. Эдгэрсэн хоёр оюутны нэг нь 37 хоносон бол нөгөө нь 39 хоноод эдгэрчээ.
