УИХ-ын гишүүн Л.Энх-Амгалан:
-ҮАБЗ-ийн зөвлөмжөөр шийдвэр гаргахдаа эдийн засгаа татан унагаж болохгүй л дээ. Нэгэнт УИХ дахь МАН-ын бүлгээс дэмжсэн учир бид УИХ дээр хэлэлцэх эсэхийг нь дэмжиж байгаа юм. Мөн байнгын хороод, ажлын хэсгээс шийдвэр гарна. Үүний дараа ярих ёстой.
Салхитын мөнгөний ордыг барьцаалж, Монголбанк бонд гарган санхүүжүүлнэ гэж байна. Гэтэл энэ орд маань 800 тэрбум төгрөгийн ашигтай, таван жил ашиглах орд байгаа байхгүй юу. Ийм маягаар баялгийн менежмент хийж болохгүй. Мөн, энэ ордыг ашиглахын тулд тодорхой зардал гарах ёстой. Гэтэл үүнд би лав хариулт авч чадсангүй.
Тэгэхээр энэ бол "Эрдэнэс Монгол" дээр бууж байгаа ачаа байна л даа. "Эрдэнэс Монгол" компани өнгөрсөн хугацаанд 1072 хувьцаа, Сайн хөтөлбөр зэргийг улсын жилийн төсвийн 50 хувьтай тэнцэх 3,2 их наяд төгрөгөөр санхүүжүүлсэн байна. Энэ бол ирээдүйгээсээ идээд яваад байсан гэсэн үг л дээ.
