Өнөөдөр/2019.11.19/ Олон улсын жорлонгийн өдөр. Энэ өдрийг угтан "Жорлонгоо өөрчилье" төслийнхөн ажлаа танилцууллаа. Тус төслийн баг өнгөрсөн хоёр жилийн хугацаанд Монгол орны нүхэн жорлонг өөрчлөх, иргэдийн ухамсар хандлагыг төлөвшүүлэх сургалт, судалгаануудыг хийж 200 гаруй айлын жорлонг өөрчилж, 40 мянга гаруй иргэнд био жорлон хэрэглүүлж туршжээ.
Харин одоо уг ажлаа илүү олон хүнд хүргэхээр зорьж байгаа бөгөөд цаашид жил бүр багадаа 2000 нүхэн жорлонг байгальд ээлтэй, ус хэрэглэдэггүй био жорлонгоор солих зорилт тавьжээ. Үүний тулд "Мини шийдэл" хоршоо байгуулж, аппликейшн ч бүтээж ажиллуулж эхэлсэн байна.
Манай улсад өнөөдрийн байдлаар 600 мянга гаруй нүхэн жорлон байна. Нүхэн жорлонгоос үүдэн Улаанбаатар хотод 50 орчим, аймгийн төвүүд 40 орчим хувийн хөрсний бохирдолтой гэсэн судалгаа гарсан байдаг.
Түүнчлэн хөрсний бохирдол нь гүний усанд нөлөөлж гэр хорооллын худгийн усанд агуудагдах шивтрийн агууламж зөвшөөрөгдөх хэмжээнээс давсан гэсэн судалгаа ч гарчээ. Тиймээс нүхэн жорлонг өөрчилж, байгальд ээлтэй, ус хэрэглэдэггүй жорлонгоор солих нэн шаардлага байгааг "Жорлонгоо өөрчилье" төслийнөхөн онцолж байна.
Нүхэн жорлонг багасгаснаар агаар, хөрсний бохирдол буурахаас гадна түүнээс үүдэлтэй хүн амын дундах өвчлөлийг ч буурлах олон талын ач холбогдолтой юм.
энэ өөрчлөлтөнд хамрагдмаар байна хаана хандах вэ