Нийслэлийн гэр бүл, хүүхэд залуучуудын хөгжлийн газар, Нийслэлийн Засаг даргын Тамгын газартай хамтран "Ирээдүйн эзэд" мэргэжил сонголтын аяныг үндэсний хэмжээнд гурав дахь жилдээ зохион байгуулж байна. Тус аяныг зохион байгуулахад 2017 онд 12 481, 2018 онд 12 960 сурагч хамрагдаж байжээ.
Дэлхий дээр 7000 төрлийн мэргэжил байдаг. Монгол улсын хүн амын 34.6 хувийг 15-34 насны хүүхэд, залуучууд эзэлдэг. Ийм манай хүүхэд, залуучуудад ч мэргэжил сонгоход нь бэрхшээл тулгардаг нь гарцаагүй. Иймд энэхүү аян нь ахлах ангийн сурагчдад мэргэжил сонгоход нь туслах, өрсөлдөх чадвар нэмэгдэхэд нь тусалдаг юм.
Энэ жилийн хувьд 10 000 сурагчид хүрч ажиллахаар төлөвлөөд байгаа юм байна.
Энэ удаагийн лекцинд Баянгол дүүргийн ерөнхий боловсролын сургуулийн 1000 гаруй сурагч хамрагдсан юм. Сурагчдын төлөөлөлттэй уулзан мэргэжил сонголтын талаар тодруулахад ихэнх нь мэргэжлээ өөрсдийн сонгосон бөгөөд уг мэргэжлээрээ чадварлаг мэргэжилтэн болно хэмээн дурдаж байлаа.
