Самбо бөхийн насанд хүрэгчдийн дэлхийн аварга шалгаруулах тэмцээн БНСУ-ын Чёнжү хотноо маргааш албан ёсоор эхэлнэ.
-01.jpg)
Энэ сарын 8-10-ны өдрүүдэд зохион байгуулагдах дэлхийн аварга шалгаруулах тэмцээнийг Олон улсын самбо бөхийн холоо болон БНСУ-ын самбо бөхийн холбоо хамтран зохион байгуулж байгаа ба үндсэн төрөл болох эрэгтэй, эмэгтэй, байлдааны самбо бөхийн төрлөөр зохион байгуулагдана.
Жингийн хувьд:
- Эрэгтэйчүүд: 52, 52, 57, 62, 68, 74, 82, 90, 100, +100кг
- Эмэгтэйчүүд: 48, 48, 52, 56, 60, 64, 68, 72, 80, +80кг
- Байлдааны самбо төрөл: 52, 52, 57, 62, 68, 74, 82, 90, 100, +100кг жингийн ангиллаар зохион байгуулагдана.
Энэ удаагийн дэлхийн аваргад Монголын баг тамирчид эмэгтэй ес, эрэгтэй ес, байлдааны самбо бѳхийн тѳрѳлд ес, нийт 27 жинд оролцож байна.
Шагнал:
- Алтан медаль: 3000 ам.доллар
- Мөнгөн медаль: 2000 ам.доллар
- Хүрэл медаль: тус бүр 1500 ам.долларын шагнал олгох юм байна.
Тэмцээний хуваарь /Улаанбаатарын цагаар/:
11 дүгээр сарын 8-ны өдөр:
- 09:00 цагт: Эмэгтэй: 48, 60, 72кг, эрэгтэй: 52, 68, 90 кг, байлдааны самбо: 57, 74, 100 кг жингүүдийн урьдчилсан барилдаан явагдана.
- 16:00 цагт: Нээлтийн ёслолын ажиллагаа
- 17:00 цагт: Дээрх жингүүдийн шигшээ барилдаан болон шагнал гардуулах ёслолын ажиллагаа.
Манай сайт самбо бөхийн дэлхийн аварга шалгаруулах тэмцээнийг гурав хоногийн турш шууд дамжуулан үзүүлнэ.
