Нийслэлийн Мэргэжлийн хяналтын газрын даргын дэргэдэх зөвлөлийн хуралдаанаар Эмийн сан, эмийн үйлдвэр, эм ханган нийлүүлэх байгууллагад хийсэн хяналт шалгалтын талаар хэлэлцсэн. Энэ үеэр НМХГ-ын дарга Л.Эрдэнэчулуун хяналт шалгалт хийсэн байцаагч нараа шүүмжилсэн бичлэг өнөөдөр сошиал орчинд ТРЭНД болов.
Л.Эрдэнэчулуун:
“Улаанбаатар хотод 1300 эмийн сан бий. Монгол шиг эмийг хоол шиг хэрэглэдэг улс байхгүй. Эм бол хор. Та нар хяналт шалгалт явуулаад шаардлага хүргүүлэх төдий арга хэмжээ аваад үр дүнд хүрэхгүй. Хууль бус ажиллагааг зогсоохгүй. Тиймээс стандарт шаардлага зөрчсөн аж ахуйн нэгжүүдийн үйл ажиллагааг цуцална” хэмээн нэлээн бухимдангүй хэллээ.
Тус хуралдаанаар эм найруулах усан хангамжгүй, эм найруулах өрөө тасалгаагүй Монос Улаанбаатар, Тавин-Ус, Ази фарм эмийн сангийн зэрэглэлийг бууруулсан бол дунд болон их эрсдэлтэй үнэлэгдсэн 36 газрын тусгай зөвшөөрлийг цуцалжээ.
Нэмэлтээр тусгай зөвшөөрөл олгосон ЭМЯ-ны мэргэжилтнүүдийг цагдаагийн байгууллагад шалгуулахаар болж, ЭМЯ-наас хууль бусаар олгосон гурван аж ахуйн нэгжийн тусгай зөвшөөрлийг цуцлуулах саналыг холбогдох газарт өнөөдөр хүргүүлэх шийдвэрийг гаргасан юм.
