БНХАУ-ын 40 сая ам.долларын хөнгөлөлттэй зээлээр 2017 оноос барьж эхэлсэн Замын цагдаагийн гүүрэн гарцыг өнөөдөр нээж байна.
Олимпийн гудамж, Их Монгол улсын гудамжийг холбосон дөрвөн эгнээ, 477 метрийн урттай, төмөр бетон гүүрийн үндсэн хөдөлгөөн өнөөдөр нээгдэж байгаа бол Их Монгол улсын гудамж руу буух баруун хойд талын “В” хэсгийн хөдөлгөөнийг есдүгээр сарын 20-нд, зүүн хойд талаас Нарны зам руу холбогдох “С” хэсгийн хөдөлгөөнийг аравдугаар сарын сүүлээр нээхээр төлөвлөжээ.
