Японы мэргэжлийн сумо бөхийн намрын ээлжит Аки башё өчигдөр гурав дахь өдрөө амжилттай явагдлаа.
Башёгийн эхний өдрөөс өрсөлдөөн ихтэй явагдаж буй энэ удаагийн башёгийн эхний гурван өдрийн дараах байдлаар нэг ч унаагүй ердөө таван бөх байгаа нь оноолтын сонирхолтой хувилбарууд болоод башёгийн өрсөлдөөнийг илтгэж буй хэрэг биз ээ.
Башёг унаагүйгээр тэргүүлэгч таван бөхийн хоёр нь Монгол бөх байгаа ба Какүрюү М.Ананд аварга болон маэгаширагийн 15-д эрэмбэлэгдэж буй Азумарюу С.Тодбилэг нар юм. Мөн түүнчлэн башёг хоёр даваатайгаар эхлүүлсэн Тамавиши Б.Мөнх-Оргил өчигдөр Томиказед өвдөг шороодсоноор хоёр даваа нэг унаатай боллоо.
