УИХ-ын 62 гишүүний өргөн барьсан хуулиар Ерөнхий сайд өөрийн танхимаа бүрдүүлж, сайд нараа томилдог байх өөрчлөлтийг оруулж ирсэн. Харин нэр бүхий гишүүд үүнийг эсэргүүцэж байна. Энэ талаар УИХ-ын гишүүн Х.Нямбаатараас тодруулаа.
Тэрбээр “Бид нар цөөнх болсон байгаа. УИХ-ын 62 гишүүний өргөн барьсан хуулийн төсөл дээр Засгийн газрын гишүүдийг Ерөнхий сайд нь өөрөө нэр дэвшүүлж, томилон УИХ-д танилцуулдаг болсноор Ерөнхий сайд фракцуудын элдэв барьцаа, шантаачинд оролгүй Засгийн газраа бүрдүүлдэг болоосой гэсэн. Гэтэл УИХ-ын гишүүн Ц.Мөнх-Оргил тэргүүтэй гишүүд үүнийг эсэргүүцэж, одоогийнхоо түвшинд УИХ Засгийн газрын гишүүдийг томилдог баймаар байна гэсэн.
