21 хүртэлх насны эрэгтэйчүүдийн волейболын дэлхийн аварга шалгаруулах тэмцээн Бахрейн улсын Риффа хотноо зохион байгуулагдаж дууслаа.
1977 оноос хойш зохион байгуулагдаж ирсэн дэлхийн аварга шалгаруулах тэмцээнд ОХУ 10 удаа түрүүлж хоёр мөнгө, дөрвөн хүрэл медаль хүртсэн амжилтаар дэлхийн бусад орнуудаа тэргүүлдэг хэдий энэ удаад гуравдугаар байранд ч орж чадсангүй. Тэд хүрэл медалийн төлөө дэлхийн дөрвөн удаагийн аварга, зургаан мөнгө, гурван хүрэл медальт Бразилын багт цэвэр хожигдлоо. 21 хүртэлх насны эрэгтэйчүүдийн волейболын дэлхийн аварга шалгаруулах тэмцээний хүрэл медалийн тоглолт болох ОХУ болон Бразилын шигшээ багуудын тоглолтыг үзэхийг хүсвэл энд дарна уу.
Энэ жилийн дэлхийн аварга шалгаруулах тэмцээн дэлхийн шилдэг багуудад халтай, түүхэндээ дэлхийн аварга болж үзээгүй багуудын од нь гийсэн дэлхийн аварга шалгаруулах тэмцээн болж түүхэнд бичигдэн үлдэхээр боллоо. Иран улс 2007 онд анх удаа дэлхийн аварга шалгаруулах тэмцээнээс хүрэл медаль хүртэж байсан бол энэ жил анх удаа алтан медаль хүртлээ. Иран улсын хувьд энэ удаагийн дэлхийн аварга шалгаруулах тэмцээнд тун сайн оролцсон бөгөөд хагас шигшээд Бразилын хүчирхэг багийг буулган авч улмаар шигшээ тоглолтод Италийн багийг 3:2 харьцаагаар хожиж аваргын цомыг өргөлөө.
