Эмэгтэйчүүдийн хөлбөмбөгийн дэлхийн аварга шалгаруулах тэмцээн Франц улсад зохион байгуулагдаж байна.
Өнгөрсөн өдрүүдэд шөвгийн найман багийн тоглолтууд өндөрлөж шөвгийн дөрвөн баг тодорлоо. Шөвгийн наймын хамгийн эхний тоглолтод Англи бүсгүйчүүд Норвегийн шигшээ багийг 3:0 харьцаагаар буулган авч хагас шигшээд шалгарсан тухай бид өмнө нь мэдээлсэн билээ. Харин өнгөрсөн амралтын өдрүүдэд дараах тоглолтууд явагдлаа.
- Франц 1:2 АНУ
- Итали 0:2 Нидерланд
- Герман 1:2 Швед
Эдгээр тоглолтуудаас Франц болон АНУ-ын тоглолтын тоймыг толилуулж байна. Уг тоглолтод Америкийн Reign FC багийн ахлагч Меган Анна Рапиное дабль хийж ДАШТ-ний мэргэн буучдын жагсаалтыг тэргүүлж эхэллээ. ДАШТ-ны мэргэн буучдын жагсаалтыг дараах дөрвөн тамирчин тус бүр таван гоолтойгоор тэргүүлж байна.
- Сам Керр /Австрали/
- Элен Вайт /Англи/
- Алекс Морган /АНУ/
- Меган Рапиное /АНУ/
Маргааш болон нөгөөдөр (2019.07.2-3 өдрүүдэд) хагас шигшээ тоглолтууд явагдах хуваарьтай байна.
