Энэ сарын эхний өдрөөс өнөөдрийг хүртэл Монгол улсын нийслэл Улаанбаатар хот "3х3 сагсанбөмбөгийн спортоор бүрэн амьсгалсаар" байна. Монгол түмэн хүчирхэг охид, хөвгүүдийнхээ урамтай сайхан тоглолтуудыг үзэж омогшин үзэж байгаа нь дамжиггүй. Энэ сарын 1-2 өдрүүдэд U23 Nations League Stop1, Stop2 тэмцээнүүдэд манай эрэгтэй баг дэлхийн шилдгүүдтэй өрсөлдөн гуравдугаар байрт орсон бол U18 ДАШТ-д манай эрэгтэй баг мөн ээлж дараалан өрсөлдөгчдөө хожсоор дэлхийн шилдэг 8-д орж үзэгч олноо баясгасан бол өнөөдрөөс "Улаанбаатар гран при-2019" тэмцээн эхэлж байна.
"Улаанбаатар гран при-2019" тэмцээний үндсэн хэсэгт манай "Taikhar Ara ADM" баг А хэсэгт ОХУ-ын Yekaterinburg Uralmash болон дэлхийн чансааг тэргүүлэгч Сербийн "Liman" багуудтай орсон бол С хэсэгт "Ulaanbaatar" баг Сербийн "Zemun" болон урьдчилсан хэсгээс гарах багтай хамт өрсөлдөх хуваарьтай байна.
Харин урьдчилсан хэсэгт манай дөрвөн үндсэн хэсэгт орох өрсөлдөөнийг хийх юм.
Тэмцээний хуваарийн хувьд дараах байдалтай байна.
