Таеквондогийн энэ оны эхний гран при тэмцээн Итали улсын Ром хотноо өчигдөр албан ёсоор эхэллээ.

2013 оноос анх Англи улсын Манчестер хотноо зохион байгуулагдаж эхэлсэн гран при тэмцээн нь жил бүр уламжлал болон зохион байгуулагддаг ба жилд 3-4 удаа зохион байгуулагдаж оны эцэст гран при финалын тэмцээн явагддаг байна. Чансааны оноо өндөртэй гран при тэмцээн энэ жилийн хувьд олимпын их наадмын өмнөх жил гэдэг утгаараа оролцогчийн тоо, өрсөлдөөн тун ширүүн байх нь дамжиггүй. Түүхийг сөхөн үзвэл өнөөдрийг хүртэл гран при тэмцээнүүдэд БНСУ-ын баг тамирчид хамгийн олон медаль буюу 35 алт, 28 мөнгө, 32 хүрэл нийт 95 медаль хүртсэн амжилтаар бусад улсуудыг тэргүүлж байна. 

Мөн түүнчлэн гран при тэмцээнд хамгийн олон медаль хүртсэн амжилтаар олимпийн мөнгө, хүрэл, дэлхийн гурван удаагийн аварга БНСУ-ын И Дэ Ун дэлхийн тамирчдыг тэргүүлж байна. 

Харин эмэгтэй тамирчдаас олимпийн хошой аварга, дэлхийн аваргын алт, мөнгө, хүрэл медальт Их Британийн Жейд Жонес эмэгтэй тамирчдыг тэргүүлж байна. 

Энэ удаагийн гран при тэмцээнд 51 улсын 256 шилдэг тамирчин хурд хүчээ сорин өрсөлдөж байгаа ба тулаан болон пүмсэ/тоот дасгал/ төрлөөр оролцож байна. Өчигдөр хуваарь ёсоор ганцаарчилсан пүмсэ болон эрэгтэйчүүдийн -68кг, +80кг, эмэгтэйчүүдийн -67кг жингийн тулаан явагдлаа.   

Пүмсэ медалийн тоглолтууд.