3х3 сагсанбөмбөгийн 18 хүртэлх насны ДАШТ Монгол улсын нийслэл Улаанбаатар хотын төв талбайд зохион байгуулагдаж дууслаа.

Энэ удаагийн ДАШТ-д урамтай сайхан тоглолтуудыг үзүүлж сагсан бөмбөг сонирхогч, үзэгч түмнээ, ерөөс монголчуудаа тэр чигт нь омогшуулж чадсан хөвгүүддээ баяр хүргэе.

Монголын эрэгтэй баг дараах тоглолтуудыг хийсэн юм. 

• Хэсгийн эхний тоглолт: Латвийн хүчирхэг багтай тоглож 20:16 харьцаагаар хожсон.
• Беларусийн багийг 21:15 харьцаагаар илт илүүрхэн хожиж шуугиан тарьсан. Тоглолтуудын бичлэгийг энд дарж үзнэ үү. 
• Гүржийн хүчирхэг багтай тоглон 18:16 харьцаагаар буулган авч үзэгч олноо шуугиуллаа.
• Хэсгийн сүүлийн тоглолтоо АНУ-ын багтай тоглож 21:10 харьцаагаар ялагдсан юм. Уг тоглолтуудын бичлэгийг үзэхийг хүсвэл энд дарна уу. Ийнхүү манай баг хэсгээсээ хоёроор гарч шигшээ наймд шалгарсан. Шигшээ 8-д дэлхийн хүчирхэг багуудтай хамт ази тивээ төлөөлөн тоглох эрхтэй боллоо. 

Өчигдөр хасагдах шатанд Туркийн багтай тоглосон тоглолтын бичлэгийг хүлээн авч үзнэ үү. 

Хасагдах шатанд манай хөвгүүд Туркийн багт хэдий 21:18 харьцаагаар ялагдсан ч тэд түүхэн гавьяа байгуулсан юм. Манай багийг хожсон Туркийн баг цааш шөвгийн 4-т Аргентины багийг хожиж алтан медалийн төлөө АНУ-ын хүчирхэг багтай тоглох эрхтэй болсон юм.