Таеквондогийн дэлхийн аварга шалгаруулах тэмцээн Англи улсын Манчестер хотноо өнөөдөр албан ёсоор эхэлж байна. Хоёр жил тутам зохион байгуулагддаг Таеквондогийн дэлхийн аварга шалгаруулах тэмцээн энэ сарын 19-нийг хүртэл зохион байгуулагдана.

Энэ удаагийн ДАШТ-д 150 орны 1000 гаруй тамирчин оролцож байгаа ба визны асуудлаас болж дэлхийн олон орны тамирчин ДАШД-д оролцох боломжгүй болсон талаар мэдээлсэн билээ. Уг нийтлэлийг үзэхийг хүсвэл энд дарна уу.  

Энэ удаагийн ДАШТ-д Монгол улсаас -58кг жинд М.Түмэнбаяр, -54кг жинд Т.Билэгсайхан нар тулалдах ба дасгалжуулагч багшаар Хо Ин Ён, Д.Лхагвадорж нар оролцож байна. Мөн түүнчлэн олон улсын шүүгч, Монголын таеквондогийн холбооны гүйцэтгэх захирал Н.Эрдэнэбаатар дэлхийн аваргыг дэнслэх юм. 

Өнөөдөр тэмцээний эхний өдөр эмэгтэйчүүдийн -46кг, -73кг, эрэгтэйчүүдийн -58кг жингийн тоглолтууд явагдах ба Монгол улсаас Монголын Таеквондогийн Үндэсний Шигшээ баг, Алдар спорт хорооны тамирчин ОУХМ М.Түмэнбаяр эрэгтэйчүүдийн -58кг жинд тулалдана. Түүний жинд 58 тамирчин оролцож байгаа ба Англи улсын визны асуудлаас болж урьдчилсан бүртгэлд байсан 20 тамирчин оролцож чадахааргүй болсон байна.

Дөнгөж сая манай М.Түмэнбаяр маш хүнд тулааны эцэст 22:20 онооны харьцаагаар ялалт байгууллаа. Та тавдугаар дэвжээний бичлэгийг ухраан нөхөж үзээрэй. Одоо нэгдүгээр дэвжээнээ хоёрдугаар тойргын тулаанаа Мексик улсын Б.Хернандезтай тулалдана. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Дөрөвдүгээр дэвжээг шууд үзэх:

Тавдугаар дэвжээг шууд үзэх:

Зургаадугаар дэвжээг шууд үзэх:

Долоодугаар дэвжээг шууд үзэх:

Жич: Хэрэв та шууд дамжуулалтыг цаг тухайд нь үзэж амжаагүй бол та бичлэгийг ухраан хүссэн тулаанаа нөхөж үзэх боломжтой.