Тав дахь удаагийн Ази тивийн оюутны 3х3 сагсан бөмбөгийн аварга шалгаруулах тэмцээн Тайвань улсын Кинмен хотноо явагдаж өндөрлөлөө. Энэхүү тэмцээнд эрэгтэй, эмэгтэй тус бүр 20 баг хурд хүчээ сорин өрсөлдсөн ба Монгол улсаас эрэгтэйчүүдийн ангилалд Мон-Алтиус сургуулийн залуу баг, эмэгтэйчүүдийн ангилалд МУИС-ийн баг тус тус өрсөлдсөн юм.
Манай эмэгтэй багийн хувьд тавдугаар байрт шалгарсан бол эрэгтэй баг маань дараах тоглолтуудыг хийж Ази тивийн аварга боллоо.
- Мон-Алтиус /Монгол/ 21:18 Taylor's University /Малайз/
- Chengchi Univ /Тайвань/ 17:16 Мон-Алтиус /Монгол/
- Мон-Алтиус /Монгол/ 16:15 БНСУ
- Мон-Алтиус /Монгол/ 21:15 Хонг Конг
Хэсэгтээ дээрх тоглолтуудыг хийж хэсгээсээ хоёроор гарсан юм. Хэсгийн тоглолтуудын бичлэгийг үзэхийг хүсвэл энд дарна уу.
Харин өчигдөр хагас шигшээд В хэсгээс нэг ч хожигдолгүй гарсан Индонезийн багтай тун ширүүн тоглолтыг үзүүлж нэмэлт цагт 18:17 харьцаагаар буулган авсан юм.
Финалын тоглолтод тэмцээнийг зохион байгуулагч эзэн орны Тайваний багтай тоглон илт илүүрхэн буулган авч Ази тивийн аварга боллоо.
Ийнхүү манай баг энэ оны 11 сард болох оюутны ДАШТ-д оролцох эрхээ авлаа. Манай багийн дундаж 18.5 байсан юм.
