Жүдо бөхийн Бакугийн их дуулга тэмцээн Азербайжан улсын нийслэл Баку хотноо зохион байгуулагдаж байна. Тэмцээний эхний өдөр манай улсаас Хөдөлмөрийн баатар, МУГТ Д.Сумьяа тэргүүтэй долоон бөх барилдаж МУГТ Д.Сумъяа шагналт байр, МУГТ Д.Амартүвшин, Ё.Басхүү нар хүрэл медаль хүртсэн билээ. МУГТ Д.Амартүвшингийн бүх барилдааны бичлэгийг үзэхийг хүсвэл энд дарна уу. Ё.Басхүүгийн барилдаануудын бичлэгийг үзэхийг энд дарна уу. 

 Өнөөдөр тэмцээний хоёр дахь өдөр уламжлал ёсоор эрэгтэйчүүдийн -73кг, -81кг, эмэгтэйчүүдийн -63кг,-70кг жингийн барилдаануудаар үргэлжлэн явагдаж байна. Манай бөхчүүдийн өнөөдөр барилдах оноолттой танилцахыг хүсвэл энд дарна уу. 

Өнөөдөр манай бөхчүүд эхнээсээ өрсөлдөгчдөө ээлж дараалан цэвэр ялсаар байна. Эрэгтэйчүүдийн -81кг жинд Н.Дагвасүрэн эхний тойрогт Польшийн С.Дамиантай барилдан цэвэр ялсан бол түүний дараа эмэгтэйчүүдийн -63кг жинд Б.Ганхайч Румыны бөхийг мөн цэвэр дарлаа. Н.Дагвасүрэнгийн барилдааны бичлэгийг үзэхийг хүсвэл энд дарна уу. 

Б.Ганхайч Польшийн С.Дамиантай ийнхүү дөрөв дэх удаагаа учраа таарч гурав дахь удаагаа цэвэр ялж байна.