Жүдо бөхийн Бакугийн их дуулга тэмцээн Азербайжан улсын нийслэл Баку хотноо зохион байгуулагдаж байна. Тэмцээний эхний өдөр манай улсаас Хөдөлмөрийн баатар, МУГТ Д.Сумьяа тэргүүтэй долоон бөх барилдаж МУГТ Д.Сумъяа шагналт байр, МУГТ Д.Амартүвшин, Ё.Басхүү нар хүрэл медаль хүртсэн билээ. МУГТ Д.Амартүвшингийн бүх барилдааны бичлэгийг үзэхийг хүсвэл энд дарна уу. Ё.Басхүүгийн барилдаануудын бичлэгийг үзэхийг энд дарна уу. 

Өнөөдөр тэмцээний хоёр дахь өдөр уламжлал ёсоор эрэгтэйчүүдийн -73кг, -81кг, эмэгтэйчүүдийн -63кг,-70кг жингийн барилдаануудаар үргэлжлэн явагдаж байна. Манай бөхчүүдийн өнөөдөр барилдах оноолттой танилцахыг хүсвэл энд дарна уу. 

Өнөөдөр эрэгтэйчүүдийн -81кг жинд барилдаж буй Н.Дагвасүрэн эхний тойрогт Польшийн С.Дамиантай барилдан цэвэр ялж манайхны өнөөдрийн гарааг сайхан эхлүүллээ. Н.Дагвасүрэн 2250 оноотойгоор жиндээ дэлхийн чансааны 21-т эрэмбэлэгдэж байгаа бол түүнтэй барилдах Польшийн С.Дамиан 1538 оноотойгоор дэлхийн чансааны 29-т эрэмбэлэгдэж байгаа юм. 

Н.Дагвасүрэн Польшийн бөхийг цэвэр ялсан барилдааны бичлэгийг толилуулж байна.