Жүдо бөхийн Бакугийн их дуулга тэмцээн өчигдөр Азербайжан улсын нийслэл Баку хотноо албан ёсоор эхэллээ. Тэмцээний эхний өдөр уламжлал ёсоор эмэгтэйчүүдийн 48кг, 52кг, 57кг, эрэгтэйчүүдийн 60кг, 66кг жингийн барилдаанууд явагдсан ба манай улсаас Хөдөлмөрийн баатар, МУГТ Д.Сумьяа тэргүүтэй долоон бөх барилдлаа.

Манай бөхчүүдээс МУГТ Д.Сумьяа шагналт байранд орж МУГТ Д.Амартүвшин, Ё.Басхүү нар урамтай сайхан барилдан хүрэл медаль хүртсэн юм. Манай сайт их дуулга тэмцээнийг гурван өдрийн турш шууд дамжуулан үзүүлэхээс гадна медаль хүртсэн тамирчдынхаа барилдааны бичлэгүүдийг түүвэрлэн толилуулдаг уламжлалынхаа дагуу эрэгтэйчүүдийн -66кг жинд урамтай сайхан барилдаж хүрэл медаль хүртсэн Ё.Басхүүгийн бүх барилдааны бичлэгийг толилуулж байна. 

Ё.Басхүү эхний тойрогт Болгар улсын жүдоч Т.Бозхидартай барилдан 49 секундын дотор цэвэр ялсан.

 Хоёрдугаар тойрогт Монтанегро улсын жүдоч Н.Жусуфийг нэмэлт цагт ялсан.

Гуравдугаар тойрогт Бразилын жүдоч К.Даниелийг цэвэр ялсан.

Хэсгийн аваргын төлөө Испанийн жүдоч М.Албертог ялж D хэсгийн аварга болсон. 

Хагас шигшээд тэмцээнийг зохион байгуулагч эзэн орны бөх, дэлхийн аваргын хүрэл медальт хашир туршлагатай Ш.Нижаттай барилдан ялагдсан. 

Хүрэл медалийн төлөө мөн Азарбайжан улсын бөх А.Ибрахимтэй барилдан цэвэр ялснаар их дуулга тэмцээнээс хүрэл медаль хүртлээ.