Хэдхэн хоногийн дараа эхлэх жүдо бөхийн Бакугийн их дуулга тэмцээнд оролцогчдын урьдчилсан мэдүүлэгт өөрчлөлт орсоор байна. Яг одоогийн байдлаар (2019.05.06) дараах зургаан жингийн дэлхийн чансааг тэргүүлэгчид оролцох мэдүүлгээ өгөөд байна.
- Эрэгтэйчүүдийн -90кг жинд өнгөрсөн оны Бакугийн дэлхийн аварга, өсвөрийн дэлхийн аваргын хошой мөнгөн медальт Испанийн алдарт Николоз Шеразадишвили
- Эрэгтэйчүүдийн -81кг жинд өсвөрийн дэлхийн аварга Нидерландын Де Вит Франк
- Эмэгтэйчүүдийн -57кг жинд дэлхийн аваргын алт, мөнгөн медальт Японы Ёшида Цукаса
- Эмэгтэйчүүдийн -52кг жинд дэлхийн хошой хүрэл, өсвөрийн дэлхийн аварга Францын Амандин Бучард
- Эмэгтэйчүүдийн -70кг жинд дэлхийн аваргын мөнгө, өсвөрийн дэлхийн аваргын хүрэл медальт Францын Ева Марие
- Эмэгтэйчүүдийн -78кг жинд Олимпын их наадмын хошой хүрэл, дэлхийн хошой аварга, нэг мөнгө, хошой хүрэл медальт Бразилын домогт Маяра Агуиар нар барилдах мэдүүлгээ өгөөд байна.
Энэ сарын 10-13ны өдрүүдэд Азербейжан улсын Баку хотноо зохион байгуулагдах "Бакугийн их дуулга" тэмцээнд 58 орны 469 жүдоч оролцох урьдчилсан мэдүүлгээ өгөөд байна.
2017 оны Бакугийн их дуулга тэмцээний шилдэг барилдааны түүвэр бичлэгийг толилуулж байна.
