Аваргуудын лигийн хагас шигшээ тоглолтууд явагдаж байна. Эхний хоёр баг болох Тоттенхам - Аяакс клубуудын тоглолтод 0:1 харьцаагаар Аяакс Тоттенхамыг талбай дээр нь хожлоо. Уг тоглолтын тоймыг үзэхийг хүсвэл энд дарна уу.

Барселона 3:0 Ливерпүүл 

Урьд шөнө Испанийн домогт Барселона клуб Камп Ноу цэнгэлдэхдээ Английн Ливерпүүл клубыг хүлээн авч тоглолоо. Энэ удаагийн тоглолт нь хоёр багийн хувьд ес дэх удаагийн учраа бөгөөд Ливерпүүл гурван удаад нь, Барселона хоёр удаад нь хожоод байсан юм. Барселонагийн хувьд энэ улирал Английн Тоттенхам, Манчестер Юнайтед гэсэн хоёр багтай дөрвөн тоглолт хийж гурван удаад нь хожиж, нэг удаад нь тэнцсэн байдаг. Харин Ливерпүүлийн хувьд Испанийн багтай огт тоглоогүй байсан юм. Аль аль багууд нь хожигдол гээчийг үзээгүй удаж байгаа шилдэг формтой багууд.

Урьд шөнийн тоглолтын салхийг хагалж Луис Суарез 26 дахь минутад "хуучин багийнхаа эсрэг" гоолдсон бол домогт Леонел Месси 75, 82 дахь минутад тус тус гоолдож дабль хийлээ. 

Тоглолтын товчлол:

• Барселона клуб өөрийн Камп Ноу цэнгэлдэхдээ Аваргуудын лигийн сүүлийн арван тоглолтын наймд нь тоглолт тус бүрт гурав буюу түүнээс гоол оруулаад байна.
• Домогт Месси Барсагийн төлөө 600 дахь гоолоо оруулаад байна. 

• Мөн Месси Английн багийн эсрэг хийсэн 33 тоглолтод 26 гоол оруулаад байна. 
• Барселона клуб өөрийн талбайдаа хийсэн 32 тоглолтдоо нэг ч хожигдоогүй байна.

Барселона болон Ливерпүүл клубын ганган тоглолтын тойм бичлэгийг хүлээн авч үзнэ үү.