Урьд шөнө Аваргуудын лигийн шөвгийн найман багийн хариу тоглолтууд явагдсан ба хөлбөмбөг сонирхогчдын нойрыг хулжаасан шөнө байлаа. Манай сайт хөлбөмбөг сонирхогчдодоо аваргуудын лигийн тоглолтуудын тоймыг хүргэсээр байгаа билээ. Испанийн Барселона болон Английн Манчестер Юнайтед клубуудын тоглолтын тоймыг үзэхийг хүсвэл энд дарна уу.
Ювентус 1:2 Аяакс
Өөр өөрсдийн лигтээ хол тасархай тэргүүлж буй хоёр баг болох Аяакс, Ювентус клубууд аваргуудын лигийн шөвгийн найман багийн эхний тоглолт тэнцээгээр өндөрлөсөн. Уг тоглолтыг үзэхийг хүсвэл энд дарна уу.
Хариу тоглолт Ювентусын талбайд өрнөсөн ба домогт Рональдо "дүрмийн дагуу" гоолын салхийг хагалж тоглолтын 28 дахь минутад тун ганган гоолдлоо. Гэвч уг гоолын үеэр алдаа гарсан хэмээн бичлэг үзэхэд Аяаксынхан өөр хоорондоо "толихилцсон" байж таарлаа. Уг гоолоос ердөө зургаан минутын дараа Аяаксын Ван де Бийк хариуг нь барьсан. Бас л бичлэг үзэж гоолыг баталгаажуулав. Нийлбэр дүнгийн хувьд 2:2 болж тэнцсэн багуудын хэн хэнд нь ганц гоол л хэрэгтэй байсан юм. Тэр "азтанаар" Аяаксын багийн ахлагч Де Лигт тодорч тоглолтын 67 дахь минутад хожлын гоолыг хийлээ. Энэ гоол Рональдогийн нэгдүгээр үед оруулсан гоолтой тун төстэй. Зүүн булангаас ирсэн цохилтыг мөргөж "хаалга мялаасан" байдаг.
Тоглолтын товчлол:
- Рональдогийн хувьд аваргуудын лигийн шөвгийн наймд сүүлийн долоон тоглолтдоо нийт 13 гоол оруулаад байна.
- Де Лигтийн хувьд 1996 оноос хойш аваргуудын лигийн хасагдах шатанд гоолдож буй хамгийн залуу тамирчнаар нэрлэгдлээ.
- Аваргуудын лигийн дөрвөн удаагийн аварга Аяакс клуб (1971, 1972, 1973, 1995) 22 жилийн дараа хагас шигшээд шалгарч буй нь энэ юм.
Ювентус болон Аяакс клубуудын тоглолтын тойм бичлэгийг хүлээн авч үзнэ үү.
