Хэдхэн хоногийн өмнө Филиппин улсын Манила хотноо “One Championship - Roots of Honor“ тулааны оргил тулаанаар МУГТ Ж.Нарантунгалаг “ONE Championship” холбооны хагас хөнгөн жингийн аваргын бүсийг эзэмшиж буй Вьетнам гаралтай Австралийн тулаанч Мартин Нгуентэй тулалдсан юм. Хэдийгээр уг тулаанд манай тулаанч Ж.Нарантунгалаг ялагдал хүлээсэн ч тулааны спортыг шимтэн үзэгчдийн хүндэтгэлийн дээдийг хүлээсэн агуу тулаанч гэдгээ батлан харууллаа. 

Тиймээ тэр хийдгээ хийсэн, түүний ямар агуу тулаанч болохыг дэлхий мэднэ. Түүний өрсөлдөгч Мартин Нгуен манай Ж.Нарантунгалагаас 14 насаар дүү, хурд, хүчний хувьд ид ирэн дээрээ байгаа шилдэг тулаанч юм. Тулааны дараа аваргыг маань хүндэтгэж ярилцлага өгөх үеэрээ ч манай аваргаар бахархаж буйгаа хэлээд авсан.

Өдгөө 44 насан дээрээ дэлхийн аваргын бүсний төлөөх тулаанд дуудагдаж байна гэдэг нь манай аваргыг ямархуу тулаанч болохыг илтгэж буй хэрэг бизээ. 

Монгол түмний бахархалт аварга Ж.Нарантунгалагын дэлхийн аваргын бүсний төлөө Мартин Нгуентэй тулалдсан тулааны бичлэгийг толилуулж байна. 

Жич: Хэрэв та энэ өдөр явагдсан бусад гайхалтай тулаануудыг бүгдийг нь үзэхийг хүсвэл энд дарна уу.