Аваргуудын лигийн шөвгийн найман багийн эхний тоглолтууд явагдаж байна. Манай сайт аваргуудын лигийн тоглолтуудын тоймыг тоглолтын анализ мэдээний хамт хөлбөмбөг сонирхогчдодоо хүргэсээр байгаа билээ.

• Тоттенхам - Манчестер Сити клубуудын тоглолтын тоймыг үзэхийг хүсвэл энд дарна уу.  
• Ливерпүүл - Порто клубуудын тоглолтын тоймыг үзэхийг хүсвэл энд дарна уу.

Манчестер Юнайтед 0:1 Барселона

Түүхэндээ энэ хоёр баг 1984 оноос хойш Европын цом, Аваргуудын лиг хүрээнд 12 удаа учраа тааран тоглоход гурван удаад нь Манчестер Юнайтед хожиж дөрвөн удаа тэнцэж таван удаад нь Барселона клуб хожоод байна. Урьд шөнө хожигдсоноор 2009 оноос хойш гурван удаа учраа тааран тоглохдоо Манчестер Юнайтед хожил авч чадсангүй.

Урьд шөнө Манчестер Юнайтед өөрийн Олд Траффорд цэнгэлдэхдээ Барселона клубыг хүлээн авч тоглолоо. Тоглолт эхлээд маш ширүүн довтолгоонуудыг хоёр баг ээлжлэн хийсээр 12 дахь минутад Мессигийн дамжуулалтаар Л.Суарес мөргөсөн ч Лукэ Шавын биеэс гоол орж орхив. Тоглолтын явцыг олон үгээр нуршихын оронд үзэгч та тоглолтын тойм бичлэгийг үзэж дүгнэлтээ хийх эрхийг тань олгосон нь зүйтэй болов уу. 

Тоглолтын товчлол:

• Энэхүү гоол нь Барселона клубын хувьд Олд Траффорд цэнгэлдэхэд тоглолтын эхний гоолыг хийж буй анхны тохиолдол боллоо. Гэвч уг гоол нь автогоолоор бүртгэгдсэн нь харамсалтай. 
• Манчестер Юнайтед клубын хувьд Испанийн багийн эсрэг тоглосон сүүлийн 16 тоглолтынхоо ердөө хоёр удаад нь хожил авсан байна. 
• Юнайтедийнхэн Европ тивийн зургаан тоглолтыг өөрийн талбайдаа хүлээн авч дөрөвт нь ялагдал хүлээгээд байна. 
• Барселон клуб аваргуудын лигийн хүрээнд Манчестер Юнайтед клубыг дөрвөн удаа хожихдоо дөрвөн өөр цэнгэлдэх хүрээлэнд хожиж байна. Үүнд: Камп Ноу, Стадио Олимпико, Вэмбли, Олд Траффорд цэнгэлдэх.

Манчестер Юнайтед болон Барселона клубуудын аваргуудын лигийн шөвгийн наймын эхний гал гарсан тоглолтын тойм бичлэгийг хүлээн авч үзнэ үү.