Урьд шөнө аваргуудын лигийн шөвгийн найман багийн эхний тоглолтууд явагдлаа. Английн гурван баг, Португалийн нэг баг талбайд гарлаа. 

Тоттенхам 1:0 Манчестер Сити 

Английн Премьер лигтээ хүснэгтийг тэргүүлэгчдийн эгнээнд бичигдэж буй хоёр багийн тулаан сонирхолтой өрнөлөө. Хэдий нэг лигт тоглодог ч он гарсаар хоорондоо огт тоглоогүй байгаа хоёр клуб аваргуудын лигийн шөвгийн наймд учраа тааран тоглож Тоттенхамын ялалтаар өндөрлөх нь тэр. Лигтээ сүүлийн гурван тоглолтод дараалан Тоттенхамыг хожоод басан Манчестер Сити клубын хувьд өчигдөр "азгүй өдөр" нь байсан бололтой. Агуэро тоглолт эхлээд удаагүй байхад торгуулийн цохилтоо алдлаа. Харин 78 дахь минутад Тоттенхамын Солонгос "хүү" хожлын гоолыг оруулах нь тэр. 

Тоглолтын товчлол:

• Хоёр баг хоорондоо тоглосон сүүлийн 17 тоглолтод ердөө хоёр дахь удаагаа л Тоттенхам клуб Манчестер Сити клубыг хожиж байгаа нь энэ. 
• Манчестер Сити клуб Европ тивдээ нутаг нэгт клубынхээ эсрэг тоглосон таван тоглолт бүрдээ хожигдож байна. 
• Тоттенхамын хаалгач Хюго Ллорис 2019 он гарсаар торгуулийн цохилтыг 100% амжилттай хаалаа. Тэр энэ онд гурван торгуулийн цохилтыг бүгдийг нь амжилттай хааж байна. 
• Тоттенхамын Солонгос тоглогч Хён Мин Сон Аваргуудын лигт анхны гоолоо орууллаа. 

Тоттенхам болон Манчестер Сити клубын аваргуудын лиг дэх эхний тоглолтын тойм бичлэгийг хүлээн авч үзнэ үү.