Снукер биллиардын чансаа өндөртэй 'Coral Tour Championship 2019' тэмцээн Уэльс улсын Лиандудно хотноо явагдаж байна. Энэ сарын 24-ны өдөр хүртэл явагдах уг тэмцээнд сүүлийн нэг жилийн хугацаанд хамгийн өндөр чансаа үзүүлсэн шилдэг найман тамирчин оролцож байгаа юм. Дэлхийн шилдгүүдийн тулаан өрсөлдөөн тун ширүүхэн өрнөж байна.

Тэмцээний эхний өдөр дэлхийн чансааг тэргүүлэгч Марк Селби болон Нейл Робертсон нарын тулаан сүүлийн хар шаарик хүртлээ өрсөлдөж Нейл Робертсон 9:8 харьцаагаар ялалт байгуулсан билээ. Уг тоглолтыг үзэхийг хүсвэл энд дарна уу. 

Тэгвэл өчигдөр дэлхийн чансааны 3-т эрэмбэлэгдэж буй Марк Виллиамс болон дэлхийн чансааны 6-д эрэмбэлэгдэж буй Жадд Трамп нарын тоглолт мөн л эцсийн мөч хүртлээ тун ширүүн өрсөлдөөнтэй болж өнгөрлөө. Урьд өмнө нь хоёр тамирчин 21 удаа учраа таарахад Жадд Трамп 15 удаад нь ялаад байсан ч хамгийн сүүлд өнгөрсөн оны Герман Мастерс тэмцээний хагас шигшээд Марк Виллиамс Жадд Трампыг илт илүүрхэн буулган аваад байсан юм. 

Жадд Трамп болон Марк Виллиамс нарын маш сонирхолтой тоглолтын бичлэгийг хүлээн авч үзнэ үү.