Европын аваргуудын лигийн шөвгийн 16 багийн хасагдах шатны хоёр тулааны эхнийх нь урьд шөнийн дөрвөн багийн тоглолтоор өндөрлөлөө. Уржигдар шөнө Францийн Олимпик Лион болон Испанийн Барселона, Английн Ливерпүүл болон Германы Байерн Мьюнхэн клубуудын хооронд тулаан өрнөлөө. Аль аль тоглолт нь гоолгүй хаалга хуурай өнгөрсөн ч уйдахааргүй гоё тоглолт боллоо. Олимпик Лион болон Барселона багуудын тоглолтын тоймыг үзэхийг хүсвэл энд дарна уу. Ливерпүүл болон Байерн Мьюнхэн клубуудын тоглолтын тоймыг үзэхийг хүсвэл энд дарна уу.
Атлетико Мадрид 2 : 0 Ювентус
Урьд шөнө Италийн Ювентус болон Испанийн Атлетико Мадрид багуудын тоглолт хөлбөмбөг сонирхогчдыг нойргүй хонуулсан нь мэдээж. 1965 оноос хойш Атлетико Мадрид багийг Ювентус хожиж чадаагүй цуврал үргэлжлэх нь тэр. Тоглолтыг товчхондоо дүгнэхэд Атлетико Мадридын нягт хамгаалалт тэдэнд ялалт авчирлаа. Бөмбөг эзэмшилт, дамжуулалт, довтолгоо зэрэг бүх үзүүлэлтээрээ Ювентус хол илүү байсан ч хожил авч чадсангүй. Одоо 3 дугаар сарын 14 нд болох хариу тоглолт тун ширүүхэн болох нь тодорхой. Мэдээж хэрэг давуу байдлаа хадгалж үлдэхийн тулд Атлетико Мадрид улам нягт хамгаалах, гоол хийхийн тулд Ювентус шуурга мэт довтлох л үлдээд байна.
