Америкийн үндэсний сагсан бөмбөгийн холбооны шилдэг багуудын нэг болох Миннесота багийн удирдлагууд дасгалжуулагч Том Тибодуг өнөө өглөө ажлаас нь халлаа. Адайр зангаараа алдартай дасгалжуулагч Том Тибоду энэ багт ирсэн цагаасаа багийн удирдлагуудтай таарамж муутай байсан гэсэн яриа бий.
Том Тибодугийн хувьд Миннесота багт ирэхээсээ өмнө Чикаго Булс багийн дасгалжуулагчаар ажиллаж байсан тэрээр Миннесота багийг "Чикаго Булсын хоёрдугаар баг" шиг болгож байгаа талаар шүүмжлэлд өртөөд амжсан. Учир нь тэрээр Миннесота багт өмнө нь дасгалжуулж байсан Чикаго Булс багаас хэд хэдэн тамирчдыг авчирсан нь "Тимберволвес" биш "Тимбербулс" болгосон гэхэд хилсдэхгүй.
Магадгүй түүний хуучны арга барил Тимберволвес багийн удирдлагуудад таалагдахгүй байсан ч байж мэдэх юм. Тухайлбал, тэрээр нэгэнт хожих нь тодорхой болсон тоглолтын төгсгөлд ч гол түлхүүр тоглогчдоо амраахгүйгээр тоглолтыг дуусгахаас гадна тоглолтод цөөхөн хэдэн тоглогчоо тамирыг тасдтал тоглуулж бусад тоглогчдынхоо хүчийг ашигладаггүй гэсэн шүүмж түүнийг дагадаг байлаа.
Миннесота Тимберволвес баг Лос Анжелес Лейкерс багтай тоглосон тоглолтын тойм бичлэг.
