Англи улсын Лондон хотноо 26 дахь удаагийн Дартсын 2018-2019 оны "William Hill World Darts Championship" ДАШТ он дамжин явагдаж дууслаа. Нийт 96 тамирчин хүч үзсэн ДАШТ 12 сарын 13-наас 2019 оны 1 сарын 1 хүртэл явагдсан юм.

Энэхүү тэмцээнд дэлхийн чансааны 1-т эрэмблэгдэж буй Голландын Майкл Ван Гервин эхнээсээ өнгөтэй байж бүх өрсөлдөгч нараа илүүрхэн хожсоор гурав дахь удаагаа дэлхийн аварга хэмээх эрхэм хүндтэй цолыг өөрийн карьертаа нэмлээ. (2014, 2017, 2019 онуудын дэлхийн аварга)

Хагас шигшээ "тулаанд" Майкл Ван Гервин дэлхийн чансааны 4-т эрэмблэгдэж буй Шотландын алдарт Гары Андерсонтой оноолт таарсан ба уг тоглолт олны анхаарлын төвд байлаа. Уг 2 тамирчины хэн ялсан нь дэлхийн аварга болно хэмээн ажиглагчид үзэж байсан юм. Урьд өмнө нь 56 удаа хоорондоо таарахад Майкл Ван Герван 36 удаад нь ялж байсан юм. Дэлхийн аваргын тулаанд 3 удаа хоорондоо таарахад Майкл Ван Гервин 2 удаа хожоод байгаа юм. Хамгийн сүүлд 2017 дэлхийн аваргын шигшээ тоглолтонд хоорондоо таарахад Майкл Ван Гервин ялж дэлхийн аварга болж байсан бол энэ удаад хагас шигшээд хоорондоо учраа таарлаа. Уг хоёр тамирчны тулаан маш өрсөлдөөнтэй явагдана хэмээн тооцож байсан боловч 6:1 харьцаагаар буюу Майкл Ван Гервиний давамгайлал дор тулаан явагдаж дууслаа. 

Дартсын ДАШТ хагас шигшээ тоглолт: Майкл Ван Гервин 6:1 Гары Андерсон 

Шигшээ тоглолтонд Майкл Ван Гервин Английн Майкл Смиттэй учраа тааран 7:3 харьцаагаар хожлоо. Уг хоёр тамирчин өмнө нь 2009 оноос хойш хоорондоо 31 удаа учраа таарахад Майкл Ван Гервин 25 удаа ялаад байна. Хамгийн сонирхолтой нь Майкл Ван Гервин 2017 онд дэлхийн аварга болохдоо шигшээ тоглолтонд Гары Андерсоныг 7:3 харьцаагаар хожиж дэлхийн аварга болж байсан бол энэ удаад ч мөн 7:3 харьцаагаар Майкл Смитыг ялж дэлхийн аврага боллоо. 

Дартсын ДАШТ шигшээ тоглолт: Майкл Ван Гервин 7:3 Майкл Смит 

Ийнхүү Майкл Ван Гервин дэлхийн аварга болсноор 500.000 паунд буюу монгол мөнгөөр 2 тэрбум орчим төгрөгийн шагнал хүртлээ.